قريباً في طمرة
شو عبالك تاكل اليوم؟
ألو بتجمعلك مطاعم طمرة بمكان واحد. بتختار أكلك، بتعرف المجموع قبل ما تدفع، والمطعم بيوصّل الطلب لباب بيتك.
- تصفّح بدون تسجيل
- المجموع واضح قبل الدفع
- المطعم بيوصّل لبابك
للزبائن
من المنيو لباب البيت
ثلاث خطوات، وكل إشي واضح قدامك.
-
تصفّح براحتك
شوف المطاعم المفتوحة بطمرة، المنيو والأسعار، بدون ما تسجّل.
-
اعرف المجموع قبل الدفع
سعر الأكل، رسوم التوصيل ووقت الوصول المتوقع، كلهم قدامك قبل ما تدفع.
-
تابع لحد الباب
بتشوف حالة طلبك لحظة بلحظة: المطعم قبل، الطلب بتحضّر، الطلب بالطريق.
للمطاعم
صاحب مطعم بطمرة؟
بندوّر على أول 5 مطاعم يكونوا شركاءنا بالمرحلة الأولى. بنجرّب ألو معكم على الأرض، بشِفتات حقيقية، وبنبنيها حسب شغلكم.
أو اتصل على 054-352-3911، أو ابعتلنا إيميل: hello@aloo.delivery
-
التوصيل بإيدك
طاقمك بيوصّل، وإنت بتقترح منطقة التوصيل ورسومه ووقته، وبنراجعهم سوا قبل ما يظهروا للزبائن.
-
لوحة طلبات واضحة
كل طلب جديد بيوصل بتنبيه ما بيتفوّت، وبتقبله أو بترفضه بكبسة، من التلفون أو التابلت.
-
حساب واضح
عمولة واضحة ومكتوبة من البداية، وكشف حساب مفصّل لكل طلب.
-
الزبون علينا
ألو هي العنوان الأول للزبون بأي استفسار أو مشكلة بالطلب، وبنتابعها معك.
أسئلة سريعة
إشي بدك تعرفه؟
وين ألو شغّالة؟
بطمرة بس، بالمرحلة الأولى. بنبلّش بمنطقة وحدة عشان نتأكد إن كل طلب بيوصل صح.
مين بيوصّل الطلب؟
المطعم نفسه بيوصّلك الطلب. ألو بتستقبل طلبك وبتتابعه معك لحد ما يوصل.
لازم أسجّل عشان أطلب؟
بتقدر تتصفّح المطاعم والمنيو بدون تسجيل. وقت الطلب بنبعتلك كود SMS لتأكيد رقم تلفونك، بدون كلمة سر.
إيمتى بتفتح ألو؟
قريباً. بنبلّش مع أول 5 مطاعم شركاء بطمرة، وبنعلن عن الموعد هون وعلى إنستغرام.